Üsäs Alpweekend hät üs i dem Johr ufä Fluebrig gfüährt. Gstartet simmer ab dä Sattelegg und vo det us diräkt uf d Alp Wildegg. Äs paar Chaotä händ nonig gnuäg vom Ufstieg gha und no ä churzä Abstächer ufä chli Aubrig gmacht. Zämä hämmer üs dä vom Älplerpaar verpflägä loh und üsä Durst gstillt. Vo dä Wildegg ischs dänn schnurstracks aber nöd ohni Bierhalt 😉 ufä Fluebrig zuägangä. Nachmä beschwärlichä Ufstieg hät üs dänn dobä acho d Ussicht für alles entschädigt und mir sind inäs gmüätlichs Wuchänänd gstartet, händ gjassed, gschwätzt, üsi Fründschaft pflägt und dä schöni Obig gnossä. Nachem pfusä und äm riichhaltigä Zmorgä am Suntigmorgä händ mir üs dä Richtig Au wieder ufä Heiwäg gmacht.
Dankä für diä super Organisation, s sehr guätä Ässä und diä bequemi Übernachtigsmöglichkeit.