Mitem Uftritt adä Guggerschlacht in Siebnä hämmer am Schmudo dä Uftakt id Hauptfasnacht gmacht, witer gangä is dänn an Kostümball z Altädorf womer im Kafizält händ dörfä fürä grandiosi Stimmig Sorgä. Am Fritig Obig häts no Uftritt a dä Dörflifasnacht z Buttikä gä.
Ganz nachem Motto “der frühe Vogel fängt den Fisch” simmer am Samstig Morgä früäh abgfahrä uf Sion womer äs konfettiriichs, spielintensivs Wuchänänd erläbt händ 😉
Dä Mäntignomittag isch dänn ganz im Zeichä vo üsem Dorf gstandä und mir händ a verschiedenä Plätzli nomol chli für Stimmig gsorged. Am Obig hät dänn üsä Uftritt z Wangä dä Abschluss gmacht. Nomol einisch hämmer alles gä und d Fasnacht abgschlossä.
______________________________________________________
Mit ämä lächelndä und tränändä Aug luägäd mir zrugg uf d Fasnacht 2023 und freued üs bereits jetzt scho druf mit üch üses Jubiläum im 2024 z fiirä….